早前喺facebook見到Barbie搞咗個美妝工作坊，曼麗當然二話不說的打去參加，希望可以多學習一下化妝技巧
今天下午去到位於銅鑼灣世貿中心的Barbie專門店，全店都以粉紅色為主調，而且周圍都有Barbie的頭像，非常可愛又吸引
(※相片來自Barbie facebook page※)
一去到職員們都非常親切，而且還替我把手袋放在房內以免化妝時礙手礙腳，非常貼心呢(讚)
Barbie專門店有一個化妝枱位置，放滿了Barbie產品為客人化妝，你們看...滿滿都是Barbie的頭像，真係非常靚呀，好想全部都帶回家啊~~~
化妝師先詢問曼麗想學/化哪一種妝容？
曼麗即時回答說：「smokey丫，唔該！」。淡妝曼麗化得多，但從未試過化smokey，一來覺得會好誇張，二來smokey技術太高，我根本化唔到！所以就趁住今次的機會好好學習一下。
化妝師先為曼麗打好個底妝，用上Barbie的粉餅(圖左barbie大頭一盒盒的)，雖然是膏狀質地，可是上妝一點都唔笠，而且非常薄，唔會有好厚粉的感覺，估唔到有咁好嘅效果。
Barbie的眼影亦有很多選擇，而且每盒細細的已有齊四種色，非常抵！今次曼麗選了綠色為主色，感覺無黑色咁沉重。
化妝師一邊為我化妝，一邊教授化smokey eye的技巧，而曼麗一直也在問，她都很樂意解答，非常友善。
差不多一小時的美妝工作坊後，更送了指甲挫作為參加今次工作坊的紀念品，指甲挫非常可愛，背面仲舖滿桃紅色閃粉，非常靚！
而且參加今次的工作坊天可有八折優惠選購Barbie嘅產品，曼麗當然忍唔住手，敗了一支眼影掃及一支眼線筆，八折後只需$109咋~~~抵到爛呀！
Barbie化妝掃毛質非常柔軟，而且每支筆身都印有Barbie的頭像，非常可愛，唔敗點得？
眼線筆非常好畫，而且雙頭設計，另一端可用嚟blend鬆眼線之用，令眼線唔會咁死一條，會令妝容柔和一點
今次的美妝工作坊十分滿意，而且學識好多化妝技巧，化妝師為曼麗化的smokey eye不會過份誇張，即使平時出街聚會都非常合適，曼麗好滿意！
今次個美妝工妝坊服務期到8月31日呢，大家快d打去報名啦！
又可以學化妝技巧又可以優惠價購買產品，超抵呀！
Barbie shop: Shop P308A, Podium 3, World Trade Centre
Tel: 3188 0516
Barbie facebook page: http://www.facebook.com/BarbieBeautyFansClub