知道喺我家附近開咗一間咁方便梗係要嚟食啦!之前已經食過唔少次,真係覺得好好味。
朋友未食過所以貪新鮮就叫咗鯊魚特飲,呢杯賣相真係一流,個個都貪佢外表,用嚟呃like 必備。
而我唔鍾意太甜,所以就叫咗杯蘋果酒梳打,感覺fresh 啲,而且酒味唔重,好啱女仔飲。
新出了幾款烤雞味道,今次就試新嘢,呢個清新蘋果檸檬烤雞,外層塗上蘋果檸檬汁,有解膩的作用,雞肉肉質嫩滑又多汁,個皮烤得酥脆可口又唔乾,真係無得輸,呢度嘅烤雞係我食過最好食。
另外叫咗芝士炒年糕,滿滿的辣椒醬,辛辣口味唔會過龍,年糕口感煙煙韌韌,中心不會是硬身,仲加了韓式拉麵,索晒啲辣汁加埋芝士一齊食,味道濃郁。
3個女仔食好飽,份雞份量都幾多,圍返每人都係$180左右,都覺得ok!