今次又嚟食好西，去完日本好掛住啲壽司，所以今次就嚟食放題
其實滿屋好多地方都有分店，它在11月就於荃灣開了新店
而且這家居然有供應吞拿魚腩，當然要選這家啦
刺身每樣都好新鮮，而且款式都非常多
一定一定要食的是吞拿魚腩及大蝦刺身，鮮甜到不得了
肉質爽口又彈牙，而且沒有雪藏味，完全是刺身的鮮甜味道
還有海膽手卷，紫菜爽脆不軟，飯唔多唔會塞飽你
海膽又大件又鮮甜，唔會係莓爛嘅口感，係軟綿綿但又有質感
壽司種類十分之多，而且每件都係少飯多料
推介大家如果喜歡吃黑松露一定要食黑松露系列壽司
燒羊架完全不乾，肉汁豐富，帶有羊羶味道，超好味
還有炸物都係即叫即炸，仲有炸榴蓮，好濃郁的榴蓮肉
另外估唔到居然有蛇羹、炒貴妃蚌食，而且一D都唔hea，很有水準
外面還有自助bar，有些熟食、甜品供應
還有玉子燒可以任取
甜品雖然唔似其他般有Movenpick 供應，但都有很多選擇
仲有大腳板提供，已經很少地方有得食了，好有懷舊feel
這家新開張的店我覺得非常但得嚟食，二百幾蚊位又有Toro 又有海膽，一定食到回本
而且新開期間，每晚都有大抽獎，可以贏取豐富禮物
另外特別一讚的是，員工服務態度真的十分之好，很勤快地清理枱上的碟，又會幫我地換碟
總結來說是值得嚟的，希望食品水準及服務可以keep 到啦，而唔係因為新開嘅關係
滿屋日本料理
地址：荃灣眾安街55號大鴻輝中心10樓
訂座電話：3622 1388 / 3622 1166
＊以上食評純屬個人口味，各人口味各有不同，不可一概評論＊
如果喜歡這篇分享，請給曼麗推推+讚讚唷
manis_ml@hotmail.com 
http://facebook.com/colabaobao 
http://www.instagram.com/manisleung